كلن طلـب ودي وكلـن بغانـي
وانا أبيه أنسان ما مثله انسـان
ابيه يفهم قبـل ينطـق لسانـي
وأذا ندبته صار لي طير حـوران
أحرم علي غيره ويحرم عشانـي
كل البنات ولو جته بنت من كان
له فلسفة أحمـد أميـر البيانـي
والحنبلي والشافعي وابن حيـان
اليـا تكلـم يعجـز الاصفهانـي
به من كرم حاتم ومن شعر حسان
يثني علي والمدح غـر الغوانـي
ويهيم فيني عشق مثل أبن عدوان
ويخلط لي الكافور والزعفرانـي
والمسك مثل المعتمد صار عنوان
أن جيت يمه قـال نـوّر مكانـي
وان رحت عنه يكتب الشعر ديوان
أصحا على صوته يزلزل كيانـي
واحلم يوسدني ذراعـه بليهـان
أبيـه ذاك الطيّـب المعشرانـي
وفي هيبة الخطاب لو الردي خان
والله ما أغضب خاطره لو ثواني
لأني نطرته كل عمري ولا بـان