الرئيسيةس .و .جبحـثالتسجيلدخول</a><hr>

شاطر | 
 

 قصه مرررررررررررررررررررررره حلووووووووووه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
أسير الحريه
مشرف سابق
مشرف سابق
avatar

المساهمات : 128
تاريخ التسجيل : 01/11/2007

مُساهمةموضوع: قصه مرررررررررررررررررررررره حلووووووووووه   الثلاثاء نوفمبر 06, 2007 4:07 pm

بسم الله الرحمن الرحيم ..
~*¤ô§ô¤*~البارتـ الأولـ~*¤ô§ô¤*~


نزلت بسيل من على الدرج بالسرعه .. بوجهها البشوووش اللي يرد الروح من الصبح: صباح الخييير ماماتي واخووووي العزيز
وراحت باست امها على راسها..,,
باسل: وانا اخوووج مالي رب؟؟
بسيل: بلى ربك فوق ..
باسل: في هذي ما اقدر ارد عليج ..
بسيل قعدت على الكرسي اللي صوب باسل: بسوول حبيبي
باسل: الله يستر وراها شي!!
بسيل: وصلني بلييييز
باسل وهو عاقد حواجبه: وين بتروحين من الصبح؟
بسيل: بروح اشوف الشغل قبلوني والله لا
ام باسم: اخذ اختك مكان اللي تبي عاد مرة وحدة من غير ما تذل نفسها لك
باسل: ههه أي شغل فيهم؟
بسيل: المجله ..
باسل: ووين سيارتج بالله عليج؟
بسيل: خربااانه .. يا ربييييي تحقيق
باسل: هههه
وقام باسل وقف: يالله مشينا
بسيل قامت تركض: دقاااااااائق بس البس عبايتي والشيلة ..
باسل بصراخ: خمس دقاااائق اذا ما وصلتي بمشي ..
باسل وهو يكلم امه: يالله فمان الله
ام باسم: فمان الرحمن .. ربي يحفظكم ..
وراح باسل السيارة ... ونزلت بسيل وهي حاملة اوراقها تبوس امها على راسها: ادعي لي يمه
ام باسم: الله يوفقج يا بنيتي .. ويعطيج اللي ببالج ..
وطلعت بسيل بالسرعه وهي خايفة ان يكون مصيرها مثل كل مرة ما يقبلونها بالشغل ..,,

بطلة قصتنا هي اللي بتصارع قضايا وقضايا من المجتمع .. شخصيتها حلوة وحبوبة .. ومعاملتها مع الناس احلى واحلى .. حنونه .. عمرها .. 21 سنة .. في تصرفاتها كأنها بيبي .. لكن عقلها يوزن بلد .. ما شاء الله عليها .. حلوة .. بيضاء وعيونها فيهم كبر ولونهم بني غامق .. وكأنها مكحله ما شاء الله عليها .. ورموشها طوال لايقين على عيونها .. واسمها بسيل ومعناه .. الجرأه والشجاعه .. ننتقل للشخصيه الثانية واللي بتكون ارق واحن قلب على بسيل وتشجعها على كل شيء وتساعدها هي امها .. ام باسم .. طيبه وحنونه وجميلة ما شاء الله عليها حتى في كبرها .. ومنها ورثة بسيل كل الطيب والحنية والجمال .. وابو بسيل مات من يوم كانت بسيل صغيره .. عمرها 3 سنين .. الله يرحمه .. وباسم ... يمكن ما يكون ليه دور كبير في القصة بس هو احد الشخصيات اللي بتمر علينا من عائلة بسيل .. بس هو متزوج بنت عمه اللي من الكويت وعايش معاها هناك وعنده بنت صغيرونه حلوة نسخه من بسيل اسمها " جوان " .. وشغله هناك وقليل لما يزور عائلته في البحرين .. وهو الأخ الأكبر لبسيل وعمره 26 سنة .. وما بقى غير باسل .. شخصيته فيها من شخصية بسيل يمكن لأنهم على الطول مع بعض .. بس اللي يميز باسل في البيت ان يحاول قد ما يقدر ينسيهم الاحزان والآلام اللي مرت عليهم ويعيشهم الفرح .. ويخلق لهم جو الضحك والفرفشة والوناسة .. وعمره 23 سنة .. ,,

نرجع الى بسيل وباسل اللي في السيارة ..
باسل: للحين في راسج الشغل؟؟
بسيل: والى باجر
باسل: عنييده
بسيل: وراسي يابس وكيفي
باسل: زين كيفج .. الحين بنزلج بالشارع وقولي كيفج
بسيل: تسويها انت وتطلع له لسانها
باسل: بسيل ما يأستين من مكان الى مكان تدورين لج عن شغل؟؟
بسيل: لا عمر الانسان ما يتخلى عن الأمل .. وبعدين الله كريم ما بينسى عباده .. وابتسمت له
باسل: الله يوفقج يا احلى اخت بالدنيا كلها ..
بسيل: الله يوفق الجميع ..
ووصلوا الى باب محل المجله ..
باسل: انتظريني عند البوابة .. ببركن السيارة وبنزل لج اوكي
بسيل: لا ما عليك آنه بكمل شغلي بنفسي واذا عندك شغل روح وبعدين اتصل فيك
باسل: لا ما عندي شغل .. وفاضي الحين وانتي سوي اللي قلت لج عليه ولا عليج اوكي؟
بسيل: اوكي ..
فتحت باب السيارة ونزلت تنتظر اخوها على الباب مثل ما قال لها .. وهي تطالع الناس اللي تدخل وبإيدها اوراقها .. كل هذلين الناس يبون شغل .. بس الشغل وينه ؟؟ .. آه يا ربي ان شاء الله يقبلوووني .. والله تعبت .. ووصل لها باسل من وراها ..
باسل: يالله سرينا
مشت بسيل بصمت مع باسل .. وهي تدعي ربها من كل قلبها ان يقبلونها في الشغله اللي اختارتها ..,,
وصلوا مكتب الانتظار .. وكانوا هناك ناس شكثر .. بنات .. شباب .. كبار .. صغار .. الكل ينتظر يوصل له الفرج وينفتح باب المكتب عشان يوصل دور اسمه .. لما وصل اسم بسيل ..
السكرتيرة: بسيل محمد
الكل كان مستغرب من الاسم ويطالعها بإستغراب .. قامت وهي كلها جرأه ..
بسيل: بتدخل معاي؟
باسل: لا بنتظرج هني .. وGood luck
تقدمت بسيل للمكتب .. وفتحت الباب .. تقربت اكثر وقعدت على اقرب كرسي لها .. بس ارتاحت لما شافت اللي قاعد على المكتب .. يبان عليه طيب .. اووه وآنه شعلي منه طيب والله لا !!.. ان شااااااء الله بس انقبل .. واخلص ..,,
أحمد: اهلين اختي بسيل
بسيل: هلا
أحمد: عندج اوراق زود على اللي قدمتيها؟؟
بسيل: أي .. ومدت له الأوراق اللي في إيدها ..
قعد أحمد يتطلع عليهم .. عجيب امر البنت متخرجة صار لها جم شهر .. وشهاداتها اوكي الحمد لله .. وللحين ما توظفت !!..
أحمد: انتظري الاسبوع اللي بعده وراجعيني في المكتب نفسه
فتحت بسيل عيونها على الآخر: الاسبوع اللي بعده!!
أحمد: ههه .. لا اختي .. خلاص تم قبولج عندنا هني بالمجلة .. ومن باجر بداية الشهر تقدرين تداومين وتستلمين شغلج ..
بسيل ارتسمت على وجهها ابتسامه: تسلم اخوي ..
أحمد: ما سوينا شي
وطلعت بسيل إلى أخوها ..
بسيل: قوم نروح البيت خلاص
باسل: قبلوج والله لا؟
بسيل: الله كريم
ومشت عنه بسيل .. وهو مشى وراها .. ركبوا السيارة واثنينهم ساكتين ..
باسل: شفيج .. زين يوم ما قبلووج في ألف شغل غيره .. الدنيا ما وقفت الحين .. ومثل ما قلتين الله كريم .. واكيد بتحصلين شغل غيره
بسيل وهي كاتمة الضحكة: بس !!
باسل: بس شنو؟
بسيل بصراااااخ: قبلوووووووووووووووني
باسل: قوووووولي والله؟؟
بسيل: من متى وآنه اجذب عليك عشان احلف لك بعد!!
باسل: هههههه زين زين مبروووووووك غلاي
بسيل: الله يباااارك فيك يا ويه الخير انت .. بس انت اخذتني لمكان الشغل قبلووووني شفت
باسل: احم احم .. يوم ويهي خير اول معاش تاخذيني اتعشى على عشاء سنع
بسيل: بس عشاااااء .. لو تطلب عيوني فداااااك
باسل: تسلميين يا احلى اخت بالدنيا ..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
أسير الحريه
مشرف سابق
مشرف سابق
avatar

المساهمات : 128
تاريخ التسجيل : 01/11/2007

مُساهمةموضوع: رد: قصه مرررررررررررررررررررررره حلووووووووووه   الثلاثاء نوفمبر 06, 2007 4:08 pm

وقعدوا في السيارة كل واحد يقول الى الثاني كلمة من صوب .. لما وصلوا البيت ..
بسيل: بنزل ابشر ماماتي بااااي
باسل: وانا بروح الشغل
بسيل: تحمل بروووحك
باسل: وانتي اكثر
نزلت بسيل ودزت له بووسة في الهواء ..
ضحك على حركاتها باسل ومشى عنها ..
دخلت بسيل البيت بصراخها كالعاده: يمـــــه يمــــــه يمـــــــه يمــــــه
ام باسم: عن تطيح بلاعيمج يا بنتي شوي شوي
بسيل: هههههههه فديتج يالغلا كله انتي
ام باسم: لا الظاهر خير اليوم
بسيل: الخير بويهج يالغلااا .. قبلووني يمه احم احم
ام باسم حضنت بنتها وباستها ..,,
ام باسم: مبروك يمه
بسيل: الله يبارك فيج ..
وركبت بسيل غرفتها .. والافكار ببالها .. واخيــراً قبلووني بالشغل .. اكيد بستااااانس فيه .. وخصوصاً انه كان اختياري ..وياليت يعطوني المجال اللي ابيه .. ياااااي بكون وناسه .. والحين اكيد بساعد في مصروف البيت اللي حمله كل على ظهر اخوي باسل .. يعني بتتحسن حالنا ان شاء الله .. الحمد والشكر لك يا رب .. وقامت صلت لها ركعتين .. تشكر فيها ربها .. ومن بعدها نامت .. لأنها ما نامت امس من التفكير !!.. قعدت على صوت اذان الظهر .. وصلت صلاة ربها .. وقرأت لها قرآن شوي ونزلت الى امها ..,,
بسيل بصراخ: يمـــه يمـــه
ام بسيل: هني آنه يمه بالمطبخ
تقربت بسيل الى المطبخ: شطابخه لنا اليووووووم
ام بسيل: اللي يحبه قلبج
بسيل وهي تلوي على امها من وراها: اصلاً كل شيء منج يحبه قلبي
ام بسيل: فديتج .. وين اخوج للحين ما وصل من شغله ؟؟
بسيل: باقي على دوامة ربع ساعه تقريباً ..
ام بسيل: ساعديني عجل في الغذاء خل نخلص قبل لا يوصل ..
بسيل: ان شاء الله ..
وقعدوا مع بعض يكملون اللي بقى على الغذاء .. ودخل عليهم باسل بعد فترة .. وكانت بسيل تسوي السلطة ..,,
باسل: سلام عليكم يا جماعة الخير
ام باسم: عليكم السلام ..
بسيل: وين جماعة .. الا ثنتين
باسل: بس مالين عيني وجماعة وكيفي
ام باسم: ههه كل يوم هالموال يعني .. روح يا وليدي غسل و بدل ثيابك وصل وانزل للغذاء
باسل: ان شاء الله يالغاليه .. عن اذنكم .. واخذ له خيارة من اللي بإيد بسيل .. وضربته بسيل على خفيف على ايده: كخ بابا
باسل: كيفي انا كيفي ماما
وراح عنهم فوق .. وقاموا بسيل وامها يجهزون الغذاء على ما ينزل لهم باسل ..
ام باسم: متى بتداومين في شغلج؟؟
بسيل: باجر لأنه اول الشهر بكون
ام باسم: فديتج من باجر عاد؟؟
بسيل: أي
ام باسم: الله يوفقج ان شاء الله
بسيل: فديتج كثررري من هالدعاوي الحلوة منج ..
ابتسمت لها امها: اخذي العصير بس لا تكثرين سوالف
بسيل: الحين آنه شقلت عشان كثرررت سوالف؟؟
باسل دخل عليهم: فديت اختي الدلووعه .. وين الغذاء .. جوعااااااان انااااااااا اليوم
بسيل: بل بل بل شمسوين فيك اليوم بالشغل ؟؟ ..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
أسير الحريه
مشرف سابق
مشرف سابق
avatar

المساهمات : 128
تاريخ التسجيل : 01/11/2007

مُساهمةموضوع: رد: قصه مرررررررررررررررررررررره حلووووووووووه   الثلاثاء نوفمبر 06, 2007 4:10 pm

باسل: استوردوا مني الأكل للموظفين
بسيل: خفيف اخوووي
باسل: طالع عليج ههه
ام باسم: لا بالله اليوم كلينا الغذاء
باسل: لا كل شيء ولا الغذاء .. مشينا نروح نتغذى بس
ام باسم يا كبر الفرحة في قلبها لما تشوف باسل وبسيل شلون معاملتهم الى بعض .. وكأنها متطمنة عليهم من الحين .. وكل ما تشوف حالهم .. تشهد لنفسها والى رجلها الله يرحمه إنهم عرفوا يربون ..,,
التفتت لها بسيل وشافتها ما تاكل ...
بسيل: شفيج يمه ما تاكلين؟؟
مدت ام بسيل ايدها وسمت بسم الله وبدأت تاكل وياهم ..,,
باسل: بسووله سيارتج متى تجهز؟؟
بسيل: أي صح اليوم بروح معاك الكراج وناخذها شرايك؟
باسل: خلاص صار ..
وكملوا غذائهم بصمت .. لأن ام باسم معودتهم انهم ما يتكلمون على السفرة .. وعقب الغذاء اجتمعوا بالصاله كالعادة عشان يشربون الشاي مع بعض ..,,
بسيل: اشتقت الى باسمووو
باسل: هيه هيه رجال شكبره شعرضه تقولين له باسموو عيب يا بنت
بسيل: كيفي آنه كيفي .. اخووي وحرة شلون اسميه .. وطلعت له لسانها ..,,
ام باسم: الله يوفقه مع بنت عمه وين ما كان ..
بسيل: اشتقت الى جوانوووو فديتها بنت اخوووي القمر
باسل: لأنها طالعه عليج من جذي قمر
بسيل: فديتني والله
باسل: لا تصدقين عمرج وايد وقومي جهزي روحج لا ما آخذج عشان تاخذين سيارتج ..
بسيل: اففف منك لازم يهدد اذا بياخذج مكان
ام باسم: هههههه وآنه مو مئة مرة قايلة لك اذا بتاخذ اختك لا تذلها وياك ..
بسيل: احم احم سمعت كلام ماماتي ..
باسل: أي قالوا لج اصمخ ما اسمع يعني !!
بسيل: بس خلاص عجل مرة ثانية اذا قلت لك اخذني مكان قول اوامرك طاعة وبس ..
باسل: اوامركِ طاعة وبس ..
بسيل: ههههه فديت اخوي الاهبل
باسل: والله محد غيره اهبل اللي بياخذج
بسيل: اوووه بسول اني معاك شدخله هو مسكين
باسل: اوه تدافع عنه من الحين الإخت .. بسج هدررة زايدة وروحي لبسي عبايتج ولحقيني انا بالسيارة اوكي برنسيسة؟؟
بسيل: اوك سائقي ..
كان باسل بكب عليها الشاي اللي في ايده بس بسيل تلاحقت على عمرها وشردت فوق .. ولبست عبايتها والشيلة وحطت لها قلوز على خفيف وطلعت الى اخوها اللي كان ينتظرها بالسيارة ..
باسل: مصدقة روحج مع هالويه إني سايقج اظل انتظرج سنه في السيارة
بسيل: بل بل بل عليك .. مو اخوووو عدو لا إله إلا الله ..
حرك باسل السيارة .. وبسيل مو عاجبنها الوضع .. ما تحب تقعد وهي ساكته .. قعدت تتعبث في الاغراض اللي بالسيارة ..
باسل: شتسوين انتي؟؟
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
أسير الحريه
مشرف سابق
مشرف سابق
avatar

المساهمات : 128
تاريخ التسجيل : 01/11/2007

مُساهمةموضوع: رد: قصه مرررررررررررررررررررررره حلووووووووووه   الثلاثاء نوفمبر 06, 2007 4:10 pm

بسيل: اكشف على سيارتك .. مو سيارة هذي غرفه ..
ضحك باسل على تعليق بسيل ..
بسيل: عطر ومشط وكريمااات .. وووو .. الخ .. عنبووووو وين داخلين؟؟
باسل: كيفي انا كيفي
بسيل: اذا رجعنا البيت بعدل لك سيارتك .. بصراحه اللي يدخلها يمووت
باسل: فيج الخير ههه ..
بسيل: وصلنااااااا .. هذا هو الكراج ..
باسل: ادرررري ان هذا هو ..
بسيل عطته نظره ..,,
باسل: يمه منج .. انا بنزل بشوفها لج وبرجع اوكي؟
نزل باسل وخلص باقي اجراءات السيارة مع الكراج .. وراح الى بسيل في السيارة ..
باسل: روحي اخذي سيارتج .. وانا عندي مشوار مهم اقضيه وارد من بعدها البيت ..
بسيل: ما اقدر آنه ع المشوار المهم .. بس لا تنسى ترجع بالسرعه عشان انظف سيارتك .. بصراحه من قلب ناوية عليها اليوووووم
باسل: ههههه لا تخافين بسلمج اليوم امرها ..
ونزلت بسيل .. وركبت سيارتها .. وقالت بتمر في طريقها تسلم على صديقتها الروح بالروح " سارة " .. طقت الجرس طلع لها اخوها الصغير ..
بسيل: وين اختك سارة
سلمان: داخل
بسيل: فديتك روح نادها لي
سلمان: زين
دخل سلمان وهو ينادي: سارووووو ساروووو
سارة: عيونهاااااا
سلمان: بنية تبيج بره
سارة: من هي؟؟
سلمان: يمكن بثيل
سارة: ههههه قول بسيل مو بثيل ..
وراحت الى الباب ..,,
سارة: حي الله ما جانا
بسيل: الله يحييج ..
سارة: دخلي دخلي ..
ودخلوا قعدوا في غرفة سارة ..,,
بسيل: افففف منج لو ما اسأل عنج ما تسألين مع هالويه
سارة: شسوي اذا آنه بيزنس ومن
بسيل: جب جب .. شخبااااااارج بس
سارة: بخير الحمد لله وانتي؟؟
بسيل: الحمد لله عايشييييييين .. ومن باجر بداوم
سارة: تداومين في شنو؟
بسيل: احم قبلووووني في مجلة "..." ..
سارة: والله؟ زين زين مبرووووك قلبوووو
بسيل: الله يبارك فيج .. افف واخيراً
سارة: يالله عقبالي بعد .. شنو تشربين؟؟
بسيل وهي توقف: سووووري الحين لازم ارجع البيت ..
سارة: مافيه حبيبتي تتعشين وياي اليووووووم
بسيل: حرام عليج امي ما تدري إني جيتج بالأساس ..
سارة: اتصلي فيها واعرفها خالتي ما بتقول شي
بسيل: بليييز سارو مرة ثانية اوعدج ازورج بس اذا زرتيني اوكي؟
سارة: بزعل منج الحين
بسيل: مو سارة اللي تزعل من بسيلووو وبعدين مواعده اخوي انظف له سيارته .. الله لا يراويج وياها بس
سارة: هههه دام السالفه فيها باسل الله وياج
بسيل: الحين آنه اللي ازورج وتقولين لي باسل .. مالت بس مالت .. يالله اخليج تحملي بروحج ..
وباسوا بعض ..,,
سارة: وانتي اكثر وبالتوفيق لج في شغلج ..
بسيل: ان شااء الله .. وبالتوفيق للجميع ..
ووصلتها الى الباب .. وركبت من بعدها بسيل سيارتها واتوجهت الى بيتهم اللي ما كان بعيد وايد عن بيت سارة .. ووصلت مع باسل في نفس الوقت ..
باسل: غريبه توج واصله؟
بسيل: مريت على سارونه وقعدت معاها شووووي وبس
باسل: شخبارها؟
بسيل: استح عاد .. تبي البنت روح اخطبها زين ..
ومشت عنه ..
باسل: وسيااااااااااااااارتي؟؟
بسيل التفتت له: أي صح عطني المفتاح وبعدين برجع لها ..
وأخذت المفتاح من عند باسل .. مرت على غرفة أمها لقتها نايمة مثل كل يوم العصر .. وراحت غرفتها بدلت ثيابها وطلعت ترتب سيارة باسل من داخل .. وباقي بس تنظيفها !!.. راحت غرفة باسل .. وطقت الباب .. سنه لما فتحه لها ..
باسل: هلا
بسيل: لو ما فتحت الباب يكوووون احسن
باسل: ههههه ..
بسيل: اضحك اضحك .. روح شوف سيارتك من داخل بس شلون مرتبه .. وبعدين اخذها المنظف خل ينظفها من داخل ومن بره ..
باسل: الله يستر بس شسويتين بسيارتي
سحبته بسيل الى السيارة: شوف بس من داخل وقول الله يستر شسوييييت في سيارتك ..
دخل باسل السيارة .. شاف فيها اشياء جديده .. مزينه بس بشكل صبياني .. وحطت له كل اشيائه في علبه حلوة من العلب اللي عندها في غرفتها ..
بسيل: شنو رأيك فيها؟؟
باسل: احم .. والله خلاص بقول لهم يشغلونج في محل سيايير وتصممين لهم ستايلات الى داخل السيارة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
أسير الحريه
مشرف سابق
مشرف سابق
avatar

المساهمات : 128
تاريخ التسجيل : 01/11/2007

مُساهمةموضوع: رد: قصه مرررررررررررررررررررررره حلووووووووووه   الثلاثاء نوفمبر 06, 2007 4:11 pm

بسيل: ههه لا ارجوك ما ابي الشغله .. شغلتي اللي حصلتها عاجبتني وخلاص
باسل: هههههه فاضحة عمرها بالشغله اللي حصلتهااا وهي للحين ما داومت ..
وهني يأذن ..
بسيل: الله اكبـــر .. يالله روح صل بالمسجد وآنه بروح اقعد ماماتي للصلاة و اروح اصلي
ومشى باسل في طريقه الى المسجد .. واما بسيل مرت على امها تقعدها من النوم عشان الصلاة ..
بسيل: فديتج ماماتي بسج نووم .. قومي صلي
ام باسم: من متى اذن؟
بسيل: قبل شوي بس ..
ام باسم: خلاص انتي روحي صلي وآنه بعد بقوم
وراحت بسيل غرفتها صلت .. وقرأت لها قرآن شوي .. ونزلت قعدت في الصالة قدام التلفزيون وهي تنتظر امها تكمل صلاة عشان تساعدها في طبخ العشاء .. بس نامت وهي قدام التلفزيون .. من التعب .. ولا حست بعمرها .. نزلت ام باسم من غرفتها .. وكسر خاطرها منظر بسيل وهي شلون نايمة .. تقربت منها .. وقعدت صوبها تقعدها من النوم عشان تروح غرفتها ..
ام باسم: يمه بسيل قومي روحي غرفتج ارتاحي
بسيل: يمه ما ابييي
ام باسم: قومي روحي ارتاحي .. هني بتتكسرين يا بنتي
وقومتها ام باسم بصعوبة .. واخذتها الى غرفتها .. ونزلت تجهز العشاء بروحها ..,,

اليوم اللي بعده بكون اكيد يوم مميز في حياة بسيل .. يمكن لأنها بتضيف في حياتها شي جديد .. وبتزيد مهماتها في اليوم .. وبتزيد اشغالها وواجبتها اللي المفروض تلتزم فيها ..,,
قعدت على صوت المنبه مع اذان الصبح ..
بسيل: آآآآه نمت وااااايد الظاهر .. قامت وصلت .. وقعدت تقرأ القرآن كعادتها .. لما طلعت الشمس .. طلعت من غرفتها وراحت إلى امها .. دقت عليها الباب ..,,
ام باسم: دخلي يمه
بسيل: شخبار الوررررده اليوم
ام باسم: بخير ووردتي آنه شلونها؟؟
بسيل: بخير دامج بخير ..
ام باسم: روحي تجهزي عشان تلحقين شغلج وآنه بروح اجهز الريوق
بسيل: في وقت يمه بجهز معاج الريوق وبعدها اتجهز للشغل ..
ام باسم قامت وراحت مع بسيل المطبخ وقعدوا يطبخون مع بعض للريوق .. وما بقى غير الحليب ..
ام باسم: يالله خلاص .. روحي تجهزي على ما اسوي آنه الحليب
بسيل: ان شاء الله يمه ..
وراحت بسيل اخذت لها شور سريع .. ولبست تنورة باللون الفوشي وعليه بدي باللون الفوشي الفاتح وعليه جاكيت من نفس قماش التنورة باللون الفوشي .. وحملت شنطتها الفوشية والشيله اللي فيها دمج بين درجتين الفوشي اللي هي لابستهم .. ولبست اكسسوارات خفيفه .. لأنها ما تحب تلفت الانتباه وايد .. وكانت بتنزل تحت بس مرت على غرفة باسل وقالت بتشوووفة ..
بسيل: بسوووووول قاعد والله نايم؟؟
باسل فتح لها الباب: لا قاعد وبنزل وياج بعد
بسيل: فديتك صباح الخيــر
باسل: صباح النور يا ويه النور انتي
بسيل: احم احم
باسل يطالعها بإستغراب: وين عبايتج؟؟
بسيل خافت من نظراته: ها .. بس آنه بروح الشغل .. وثيابي تسترني .. ما اظن يحتاج !!
باسل: فديتج براحتج بس مرة ثانية اذا ثيابج مو مسترررة تلبسين عباية اوكي؟
بسيل: اكييييد لا توصي حريص .. ويالله ننزل تأخرنا على ماماتي تحت ..
باسل: يالله ..,,
ونزلوا تحت الى المطبخ .. اللي كانت هناك ام باسم تنتظرهم ..,,
باسل:صبحج الله بالخير يمه
ام باسم: صبحك الله بالنوور ..
باسل: شمسويه لنا اليووووم ريوق
ام باسم: كل خير .. اقعدوا تريقوا .. لا تتأخرون على دواماتكم ..
وقعدوا يتريقون بهدوء ..
باسل: بسووله حبيبتي صبي لي حليب
صبت له بسيل الحليب وعطته ..
باسل: تسلمين
بسيل وقفت: يالله آنه استأذن
ام باسم: وين يمه تريقي عدل
بسيل: الحمد لله شبعت .. وبعدين باقي نص ساعه على الدوام أخاف اتأخر من أول يوم ..
ام باسم: الله يوفقج يا يمه .. واذا تبين بخور المبخر بالصاله مجهزتنه لج .. اعرفج ما تحبين تطلعين الا بالبخور
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
أسير الحريه
مشرف سابق
مشرف سابق
avatar

المساهمات : 128
تاريخ التسجيل : 01/11/2007

مُساهمةموضوع: رد: قصه مرررررررررررررررررررررره حلووووووووووه   الثلاثاء نوفمبر 06, 2007 4:12 pm

بسيل: فديييييتج والله ..
باست بسيل امها على راسها وراحت تبخرت ولبست صندلها الفوشي على الباب .. وكانت طالعه حلوة وناعمه وحدها كيوت .. ركبت سيارتها بتروح الى شغلها .. ووصلت بعد ثلث ساعه من زحمة الطريق .. ونزلت من بعد ما عدلت شيلتها .. وراحت الى مكتب مدير المجله .. عشان تعرف وين بكون مكتبها!!..
بسيل: السلام عليكم
السكرتيرة: عليكم السلام .. تآمرين على شي اختي؟؟
بسيل: بس بغيت ادخل على المدير عشان استلم وظيفتي
السكرتيرة: بس المدير للحين ما وصل ..
بسيل: يتأخر على ما يوصل؟؟
السكرتيرة: لا ما اعتقد عشر دقائق .. ربع ساعه بالكثير بكون عندج ..
بسيل بخجل: زين يصير انتظره هني عندج بالمكتب؟؟
السكرتيرة بإبتسامة: اكيـد .. قعدي اخذي راحتج ..
وقعدت بسيل بصمت بس مو عارفه تقعد من غير ما تتكلم ..
بسيل: احم
التفتت لها السكرتيرة: خير اختي في شي؟
بسيل: لا بس اتكلمي معاي شوي للحين ما بدأ دوامج عشان قاعده تشتغلين وتاركتني اقعد جذي
السكرتيرة: ههههه ما باقي على الدوام شي .. واذا عندي شغل اقضيه من الحين مو احسن؟؟
بسيل: صح
السكرتيرة: زين سوري على التدخل بس شنو اللي بينج وبين المدير؟؟
بسيل تقول بخاطرها هذي شقصدها وبعدين قلت لها من البداية استلم وظيفتي؟؟!: لا بس آنه موظفة نيوو وخبرج يعني اليوم اول يوم بالشهر ويبدأ دوامي .. وابي استلم وظيفتي منه
السكرتيرة: أي صح .. الله يوفقج ..
بسيل: اففف مو كأن تأخر مديركم ..
السكرتيرة وهي ترفع نظرها للباب: بالأول مو بس مديرنا مديرج بعد وبعدين وصل ..
بسيل انحرجت على اللي قالته .. وتقول بخاطرها بييه لا يكون بس سمعني .. افففف يكون احسن بعد عشان ما يتأخر مرة ثانية ..,,
اتكلم المدير بإبتسامته اللي تشرق كل يوم منه: السلام عليكم
السكرتيرة وبسيل: عليكم السلام
دخل المدير وقامت السكرتيرة لحقته: استاذ هذلين الرسائل اللي وصلوا اليوم .. واللي بره تنتظرك موظفة جديدة وتبي تستلم وظيفتها ..
المدير: حطي لي اللي عندج على الطاوله ونادي لي على الموظفة الجديده ..
السكرتيرة: ان شاء الله استاذ ..
وطلعت بره المكتب الى بسيل ولقتها تسولف مع وحدة من اللي بيتوظفون معاها وهي نفس الشيء تنتظر تعرف وين مكتبها ..
السكرتيرة: الاستاذ ينتظرج داخل
بسيل تكلم اللي صوبها: يالله بااااي وان شاء الله تكونين معاي في مكتب ..
ريم: ان شاااء الله .. الله يسمع منج ..
وقامت بسيل طقت الباب .. بس مالقت جواب .. فتحت الباب بكل نعومة ودخلت المكتب .. ومن صوب ثاني كان المدير يقرأ البريد اللي في ايده .. تقربت بسيل اكثر وهي متعودة على المكان من كثر ما زارته ..
بسيل: احم
التفت لها المدير " فراس " .. بعد مده وابتسم ههه صج ان ابتسامته ما تفارقه: اهلا اختي تفضلي ..
قعدت بسيل: آسفه على اللي قلته قبل شوي؟
فراس: لا بعد هذي الحقيقة دوم اتأخر شوي بس تعرفين زحمة الشوارع ..
بسيل تقول بل هذا اجابته جاهزة: زين لو سمحت بغيت استلم وظيفتي ..
فراس وهو يأشر لها على الكرسي: استريحي بالأول ..
من بعد ما قعدت بسيل ..
فراس: شنو اسمج؟؟
بسيل: اسمي بسيل ..
قام فراس واخذ فايل من الفايلات اللي عنده وقعد يدور اسمها: بسيل بسيل ..
بسيل فيها الضحكة بس كاتمتنها .. لأن فن شكله وهو يدور على الاسم ههههه ..
فراس: لقيته .. وراح قعد على كرسيه .. وظيفتج يا طويله العمر .. انج بتستلمين صفحة القضايا الإجتماعيه .. اعرف ان الشغله يمكن تكون متعبه وايد ويبي لها بحث وايد .. بس متأكد انج قد الشغله اللي اخترناها لج ..
بسيل: بالعكس حلوة الشغلة وما احس فيها تعب اذا من نفسي كنت حابه اتخصص فيها ..
فراس: حلو اذا كان عندج دوافع للشغل ..
بسيل: بس وين مكتبي؟؟
فراس دق على السكرتيرة عشان تنادي على موظف من الموظفين عشان يدليها ..
فراس: بس هالله هالله ما نوصيج على المجله .. ومن اليوم ورايح بتكونين من اسرة المجلة ..
بسيل: ان شاء الله اكون عند حسن ظنكم ..
وهني يطقون الباب ..
فراس: ادخل
محمد: شخبار مديرنا اليووم
فراس: عال العال وانت
بسيل تقول بخاطرها: اففف بس لا يكون نسوا وجودي!!
محمد: بخير الحمد لله ..
فراس: محمد ما اوصيك بموظفتناا الجديده .. تعلمها الشغل زين .. واخذها الحين الى مكتبها واللي بكون في الغرفة الثالثة ..
محمد: زين .. ما طلبت شي .. والتفت الى بسيل ..
بسيل فهمتها وقامت وقفت ..,,
محمد: مشينا يا اخت ...؟؟
بسيل: بسيل
محمد: مشينا يا اخت بسيل
مشت بسيل مع هذا اللي قال المدير ان اسمه محمد وما كانت مرتاحة له ابد .. ويوم طلعت لقت ريم قاعده تنتظر مثل حالها التفتت لها وقالت: وصل لج الفررج اكيد الحين دورج ..
ريم: واخيراً تعبت وآنه انتظرررر
ومشت وراء محمد اللي ضحك على كلامهم .. وبسيل اللي انقهرت منه وكانت تبي تاخذ الصندل اللي لابسته وتضربه على راسه .. وصلوا المكتب ..,,
محمد: وهذا مكتبج يا آنسة اسيل
بسيل: اسمي بســـيل مو اسيل .. ومشكور اخوي تعبتك معاي ..
محمد: ما سوينا الا الواجب .. والحين اخليج على ما يوصلون الموظفين الجدد الباقي عشان اشرح لكم طبيعة الشغل ..
ومشى محمد .. ورمت بسيل شنطتها على المكتب وقعدت على كرسي مكتبها بكل وناسه .. ياااااي واخيراً صرت موظفة ... وضبطت روحها بالقعده: احم موظفة بسيل .. وقعدت تلعب بالكرسي وتتحرك يمين ويساار لأنها ملانه ماعندها شيء لحد الآن تسويه .. خطرت على بالها سارة ..
بسيل: اييييي سارووو ..
واخذت موبايلها ودقت عليها .. اتصلت لها 3 مرات ما ترد وزين انها ردت في الرابعه ..
بسيل: افففففف منج نومج ثقيل
سارة: شسوي بعد اذا نومي ثقيل ..
بسيل: سارو قومي قومي
سارة نقزت من على السرير: شصاااااير؟؟ .. لا يكون بس باسلووووو بعرس؟
بسيل ضحكت من قلب على سارة: ههههههههههههههه لا لا .. وينه ووين العرس هذا .. بس احم
سارة: شفيج يا ام احم
بسيل: يا حليلي تعالي شوفيني وآنه قاعدة على المكتب ..
سارة انبطحت مرة ثانية على السرير: اففففففف منج فاضية من الصبح مقعدتني من نومي عشان تعالي شوفيني .. صج فاضية
بسيل: افااااا الحين آنه صرت فاضية؟؟ يوم إني فرحانة وابيج تفرحين وياي .. لكن ما عليه الله يسامحج ..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
أسير الحريه
مشرف سابق
مشرف سابق
avatar

المساهمات : 128
تاريخ التسجيل : 01/11/2007

مُساهمةموضوع: رد: قصه مرررررررررررررررررررررره حلووووووووووه   الثلاثاء نوفمبر 06, 2007 4:12 pm

سارة تأسفت على اللي قالته الى بسيل: آسفة بسوله حبيبتي بس لا تحطين ببالج ماعليج من الكلام اللي قلته النوم للحين مؤثر علي ..
بسيل: لا آنه اللي سوري على الازعاج من الصبح
سارة: اووه بسيلووو ما احبج جذي .. وكل يوم اذا تسمينه ازعاج ازعجيني .. احب ازعاجج آنه ..
بسيل: فديتج غلاي انتي ..
ودخلت هني ريم المكتب ..
بسيل: يالله ساروو صار لازم اخليج ..
سارة: وين وين؟؟
بسيل: احم وراي شغل خبرج .. وبعدين دخلت صديقتي الجديدة شسوي فيج انتي خلاص صرتي قديمة ..
سارة: افاا بس افااا لكن ما عليه خلها تنفعج
بسيل: هههههه فديت اللي يغارون آنه ..
سارة: من زينها عشان اغار منها ..
بسيل: ههه عيب لا تقول جذي وانتي ما تعرفينها له .. والله بخطبها الى الإحم إحم ..
سارة: عشان اكسر راسج
بسيل: ههههه تسوينها انتي
سارة: يالله روحي الى شغلج وسوووري عشاني عطلتج
بسيل: يالله مع السلامة
سارة: الله يسلمج ..
بسيل من سكرت التلفون التفتت الى ريم اللي قاعدة تتصفح مجلة من المجلات اللي على الطاولة: شفتيين صرنا مع بعض ..
ريم: ههههههه يمكن احلى شيء بلاقي في المجلة انتي
بسيل: احم .. لا بس المجلة كلها على بعضها حلوووة
ريم: بس آنه مو حابة الشغله ..
بسيل عقدت حواجبها: عجل ليش اشتغلتي؟؟
ريم: بعد الظرووف وإني محتاجة للشغل ..
بسيل اقتربت الى ريم وقعدت لها على الطاولة: بالعكس بتحسين مع الأيام ان الشغل بالمجلة حلوووو .. بس يبي لج تتحمسين من داخلج بالأول ..
ريم: مجربة الشغله من قبل؟؟
بسيل: لاااا بس احس ان الشغل بكون احلى من الحلو نفسه
ريم: باين عليج متحمسة من قلب للشغل
بسيل: اكيييييد .. امنيتي من يوم وآنه صغيره يكون لي قلم في مجله والله جريدة والله أي شيء ..
دخلت عليهم هني وحدة ثالثه .. كانت داخله المكتب بس كأنها داخله حفله .. كانت لابسه لبس ضيق وبرمودا وحاطة لها الميك آب اللي العروس ما تحط لها كثره .. وريحة العطر اللي واصله لآخر العالم ..
ترنيم: هاااااااي
بسيل: بسم الله الرحمن الرحيم الناس تقول سلام مو هاااااااي ..,,
ريم كتمت ضحكتها وضربت بسيل على خفيف في إيدها عشان تسكت ..
طالعتها ترنيم بنظرات احتقار من البداية ..
ترنيم: صج انج مو ويه حشيمة ..
كانت بسيل بتقوم لها بس ريم سحبتها من ايدها: بسييل قعدي مكانج مو من اول يوم عاد ..
بسيل: عجل آنه بسيل تقول لي مو ويه حشيمة ..
هني دخل محمد: اللي يقولها غلطان ..
التفتت له بسيل وهي تقول بخاطرها افففف وانت شدخلك يعني ؟؟ ...
ترنيم من شافت محمد ضبطت روحها .. وتقول بخاطرها اففف منه يهبل .. وحتى رد ما ردت عليه على اللي قاله قبل شوي!!..
دخل محمد عشان يبدأ يدربهم على الشغل .. واجتمعوا كلهم على مكتب ريم .. كان محمد على المكتب .. وريم على اليمين وترنيم على اليسار وبسيل في الوسط .. وقعد محمد يشرح لهم الشغل وشلون بكون بالضبط ..,,
محمد: طبعاً بسيل بتستلمين قسم القضايا .. وبكون فيها شغل شوي .. لأن معظم شغلج بكون بره المجلة .. لأنج بطبيعة شغلج بتتواجدين في اكثر من مكان .. بيوت مستشفيات مراكز شرطة .. لأن هذا بكون من مهماتج .. واكيد بكون معاج مرافق من المجلة .. وننتقل الى ريم .. ريم شغلج انج بتستلمين صفحة الفنانين والمشاهير .. وتتعرفين لنا على آخر اخبارهم .. آخر اعمالهم .. واكيد عارفة الشغله .. وننتقل الى الاخت ترنيم .. بتستلمين قسم الجمال والموضة .. تبحثين لنا عن آخر صرعات الموضة .. وما اظن الشغله فيها شي .. وان شاء الله تكون فكرة شغل كل وحدة منكم وصلت لها ..
بسيل: آنه عن نفسي وصلت ..
ريم: وآنه بعد
ترنيم:...
محمد: واخت ترنيم؟؟
ترنيم بكل نعومة: اكيد وصلت ..
بسيل تطالعها بنظرات وتقول بخاطرها وييييي عليج ما يليق الدلع ولا النعومة علييج ابد ..
محمد: تآمرون على شي قبل لا اطلع؟؟
ترنيم: أي
محمد: شنو؟؟
ترنيم: من متى نبدأ شغل؟
بسيل: وهذا سؤال بعد !!.. اكيد من اليووووم ..
ترنيم كانت تبي تقوم تكفخ بسيل .. الحين آنه اكلمه انتي شعليييييج .. تدخلين روحج بالنص ..
محمد: جاوبت عليج اخت بسيل .. أي شيء ثاني ..
ترنيم: لا سلامتك اخوووي ..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
أسير الحريه
مشرف سابق
مشرف سابق
avatar

المساهمات : 128
تاريخ التسجيل : 01/11/2007

مُساهمةموضوع: رد: قصه مرررررررررررررررررررررره حلووووووووووه   الثلاثاء نوفمبر 06, 2007 4:13 pm

طلع عنهم محمد .. وبدأت كل وحدة في شغلها على الكومبيوتر .. وكل وحدة تبحث عن مواضيع تخص مجالها .. بس بسيل تبي احد عشان تفتح معاه قضيته .. قررت تروح تسوي زيارة الى مستشفى الأمراض النفسيه .. وطبعاً بعد تفكير عجبها الموضوع وقامت وقفت ..
ريم: وين رايحة بسيل؟
بسيل: ببدأ شغل
ريم: شلون؟
بسيل: بستأذن وبطلع بروح مستشفى الامراض النفسيه .. عشان ابدأ اول قضية من هناك ..
ريم: من صدقج انتي؟
بسيل: فيها شي؟؟
ريم: لا ابد .. وبالتوفيق لج
بسيل: بالتوفيق للجميع ..
طلعت بسيل من بعد ما استأذنت من مدير المجلة .. وإلا هو استاذ فراس اللي انعجب فيها وفي حماستها للشغل من البداية .. وركبت سيارتها واتوجهت الى المستشفى .. اول ما دخلت طلبت من احد الموظفين هناك انها تدخل على احد الدكاتره .. وطبعاً بعد جهد وافقوا على انها تدخل .. من بعد محاولات منها .. ومن بعد ما شرحت وضعها وإن من واجبها تتعرف على القضايا .. واكيد بتلاقي من المرضى اللي بالمستشفى قضايا بتفيدها .. نرجع الى بسيل .. اللي تنتظر الدكتورة تخلص مقابلة مع احد المرضى اللي عندها .. وبعد ربع ساعه طلعت المريضة .. وطقت بسيل الباب ..
الدكتورة: ادخل
بسيل: السلام عليكم
الدكتورة: عليكم السلام يا هلا .. اقدر افيدج بشي ؟؟
بسيل: آنه بسيل من مجلة "..." .. وآنه انتظرج بره .. واكيد قالوا لج عني ..
الدكتورة: يعني انتي اللي من المجلة؟؟
بسيل: أي نعم
الدكتورة ارتاحت الى بسيل وبسيل ارتاحت لها .. وحبت الدكتورة انها تساعد بسيل في شغلها ..
الدكتورة: بندخل بصلب الموضوع على طول نظراً الى المواعيد اللي اليوم لازم تنقضي مني وايد .. آنه بقدر اساعدج بشكل كبير .. بس الرأي الأول والأخير الى المرضى .. وهل ان هم بيتقبلون الفكرة او لا .. بس اوعدج احاول كثر ما اقدر ابحث لج من المرضى اللي عندي اللي يفيدج .. وراجعيني باجر .. عشان ارد عليج خبر ..
بسيل بإبتسامه تذوب: تسلمين اختي وما قصررررتي .. بس متى ازورج؟
الدكتورة: في نفس وقت اليوم ..
بسيل قامت وقفت: تسلمين وما قصرتي .. والسموحة منج اذا اخرتج على شغلج ..
الدكتورة: الله يسلمج يا اخت ..
بسيل: بســيل ..
الدكتورة: الله يسلمج يا اخت بسيل ..
بسيل: استأذن ..
ومشت بسيل وسط ناس يمكن لأول مرة تمشي وسطهم .. الكل لاهي بعالمه .. وكلٍ منهم يعاني بداخل قلبه .. وكل هذا من الدنيا واللي فيها .. مشت وكملت طريقها الى سيارتها .. ورجعت المكتب .. ودخلت بالأول على المدير ..
بسيل: بس حبيت اقول لك إني رجعت ..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
abdel17
عضو متطور
عضو متطور


المساهمات : 43
تاريخ التسجيل : 06/11/2007

مُساهمةموضوع: رد: قصه مرررررررررررررررررررررره حلووووووووووه   الثلاثاء نوفمبر 06, 2007 5:30 pm

حلوة يا غالي
حلوة و الله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
أسير الحريه
مشرف سابق
مشرف سابق
avatar

المساهمات : 128
تاريخ التسجيل : 01/11/2007

مُساهمةموضوع: رد: قصه مرررررررررررررررررررررره حلووووووووووه   الثلاثاء نوفمبر 06, 2007 6:52 pm

شكرا يا عسل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الجفري
عضو فعال
عضو فعال
avatar

المساهمات : 85
تاريخ التسجيل : 20/10/2007

مُساهمةموضوع: رد: قصه مرررررررررررررررررررررره حلووووووووووه   الثلاثاء نوفمبر 06, 2007 8:06 pm

قصة رائعة من أحلى عضو
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
أسير الحريه
مشرف سابق
مشرف سابق
avatar

المساهمات : 128
تاريخ التسجيل : 01/11/2007

مُساهمةموضوع: رد: قصه مرررررررررررررررررررررره حلووووووووووه   الجمعة نوفمبر 09, 2007 10:18 am

يسلموووووووو يا أغلى عضو
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
قصه مرررررررررررررررررررررره حلووووووووووه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديــــــ ستار تايـمز ــــات 39 :: أدب وشعر ::  القصص و الروايات-
انتقل الى: